2g i phone 的mon壞了.

不敢貿貿然給不認識的人換(可能不單替你換mon,換肉換電換得便換),左託右託,等了又等,朋友們介紹的維修商都說由於2g已停止出廠,零件都缺貨了.

朋友來一個email,

試試這個吧~

http://hk.f1.page.auctions.yahoo.com/hk/auction/1118587212

我問:你試過嗎?

"未,我見其評分高乍!"

"評分會唔會係假架."

"400幾個評分,應該唔會假既.."

"em.."

既然前無去路,後有追兵,匿埋眼,1,2,3,跳囉!

打去問,報價,"$1000"啦!

赤->

"用新零件定二手?"好廢話咁問,等自己心理好過點.

"新架....小姐,你百份百放心啦,我地唔呃人架,我地有舖架"

據我咁多年的做人經驗,通常叫你放心,就最唔放心. 

"我的電話在朋友兒,取回我便過來換"

"你趕住用的話,要快了,因為有另一個客要.我先留給你吧."

"你舖頭在哪?"

"深水埗地鐵站."

第二日.

"小姐,你幾時來?"

"我未取回電話喎."

"你係咪真係要架?"

"要架,我星期六黎啦."

"咁好啦."

星期六.

哥仔的電話由早上到黃昏,都一直無人接聽.

連網上的聯絡電話,也忽然間不見了.

猶疑之際,5時半左右,他終於覆電話.

"我可以咁點黎?"

"你去到深水埗地鐵站,再打比我啦."

"你好似今朝咁唔聽電話,我咪弊?"
"你放心,我今朝唔係香港啫.你揾到我架啦."

"我可唔可以睇住師傅整架?"

"個度係開放式既,你鍾意可以睇,不過你無理由坐係度睇一個鐘架,你放心啦,無問題架..."

驚.x2

"你比個地址我啦."我問.

"個度門面唔係賣個d野既,你打比我,我自然會教你行架啦"x3

到了深水埗.

"我到了"

"你係c2出,出到未?"

"行緊"

行緊樓梯時,我問"何解要這樣神秘?"(廢問)

"無神秘,只是舖頭門口不是做呢d野者"

"仲有,舖頭賣個d野,唔係我既..."哥哥仔話.

x4

各位觀眾,看到這兒,你明唔明呢?我就唔多明啦.

"你轉右,見唔見xxx?"

"見"

"跟住直行3個舖位...."

"見唔見一間叫xxx既?"

店面是家賣二手電話的公司,店外有3位燕瘦環肥的彪形大漢.

"拿,你見到舖頭d人,直入得架啦,佢地問你野,你話整機既,唔駛理佢地架啦."

公關->

"你比個電話師傅聽啦."

師傳是個白淨單眼皮的中年壯漢,頭髮黑壓壓的,樣子像福建幫,是典型的中國人樣,cool cool的,有陣殺氣湧出來...

師傳接個電話,收了指令,默默的,什麼都沒說,緩緩把電話還我.

旁邊坐著位肥媽媽,有點像元秋的,該是師傅的媽媽.

也操類似福建話的,目無表情的在剝花生.

把電話給師傳,他使出十分力用鐵夾狂撬.

電話殼邊都撬得變型了,還是脫不出.

公關看著變了型的電話,除了赤以外,當然不敢噤聲 (無胆匪類類).

終於翹開,師傅拆螺絲時,將超微少的螺絲胡亂地撒在枱上.

"em...你揾唔揾得返架..."(當然是心想,依然不敢投訴).

說時遲,那時快,己看見有一顆黏在他的手上,而他卻慒然不知.

忍不住道:"師傅,有粒黏在你的手上.."

師傳沒答上一句半句,頭也不抬,只淡淡地把手上的螺絲挪開,又隨手掟在枱上.

汗...

朋友和我提過,iphone的組合很簡單,分開幾組,很易拆的.

可是師傅拆了不止25分鐘,又風筒融膠,又燒焊,大汗叠細汗的<---我指我!

場面實在太戲劇化了,緊張的我,忍不住傻笑起來.

本來專心至致的他,忽然抬頭,目露兇光,用無tone的語調問:

笑咩呀你.

答得不好,我擔心他會將手上的辣雞温柔地印在我臉上.

"我誤以為好易修理,所以笑." 

可能門口哥哥仔免我過於擔心,免費給我一些娛樂.

除了mk look辣妹的行家與3位哥哥一邊打情罵俏一邊講價之外,最啜核莫過於一位男行家,在3位壯男圍睹下,依然臉無懼色,理直氣壯地說:

拿,我呢部電話,無比人摸過晒架!

同處女一樣,你話係咪可以賣貴d先?!

好不容終於整好.

合上機殼,大功告成!好緊張地左試右試,好似ok喎!

阿彌陀佛...

自始以後,iphone過著梁諾思的生活,有十分安全的保護套,mon貼了安全的保護膠貼,配上長長的電話繩(方便跌時可以一手抓住!),快樂地生活下去(公關希望).