咁一本便利都係用D咁既標題先可以吸引人睇架麻..
平時一同人提起呢個朋友,我會話比人聽:
我有個朋友,你永遠估佢唔到.
佢間屋成屋都係HELLO KITTY,著條短裙加3吋半高踭鞋,成個迷人PINK LADY咁.
之但係事實證明,咁樣係無礙佢追個賊9條街,因為佢係一個師姐.(講都無人信)
如果你無咁多時間,我會同你講,你有無見過人係屋企整乞丐雞架(仲要著住高踭鞋)?
通常大家都會變得鴉雀無聲.
OK.我作出嚴謹的澄清啓事.....
應該話,
這個師姐勁變態!
變態第一擊,"蝦兵蟹醬"!
上次食過是用蝦米用瑤柱配多士,但因為師姐細心地擔心我不能吃辣,所以沒有加辣; 今次沒有了蝦米,換來辣椒, 食味加強,配合了絹豆腐加陶瓷刀和炸豆腐來吃,反而減少了HEAVY的感覺,辣辣的,好惹味!
連把陶瓷刀都係粉紅色架..
第二擊:鹵水鮑魚!
調好了的鹵水汁跟鮑魚放在砂鍋內, 在100度焗爐內焗個多小時
以前未試過呢種吃法,我覺得鹵水汁不會太搶,又依然吃到鮑魚的鮮味,不錯..
第三擊:鹵焗鰈魚
把魚放好入煮沸的鹵水中,熄火,浸一小時, 離鹵水再把魚在焗爐內焗 15 分鐘, 挺滑的
第4擊:黃金蝦
D蝦隻隻都好大隻架..
先把蛋黃蒸15分鐘, 再壓碎, 再回鑊以牛油推開,師姐話覺得可以多D蛋黃少D牛油,我就覺得已經好好味啦.
第5擊:愛心海鮮凍, 凍糕內有蝦,鮑魚, 帶子, 蟹肉同龍蝦.
點解叫愛心?梗係啦,D步驟聽到都嚇死我,咪話做...
如果大家以為下邊呢碟餸就係戲肉,咁就錯晒.
話得佢變態,當然唔會咁簡單啦!
呢D只係用來做海鮮凍的湯料：雞腳、豬手、金華火蹆、龍蝦頭、蝦頭，師姐做本來諗住掉架,點知我地係咁食係咁食...連蝦頭都唔放過!
呢個先至係真身...我都有參與架!係咩?
旁邊張椅係我屈出黎架..
食到呢度我已跑左10成,好在今晚慢慢食,到我吃呢碟的時候,已經差不多12點,又開始有D餓..
咸點最後一擊:開邊芝士海胆龍蝦,配芝士龍蝦海胆闊條麵(淨係個名都殺晒)
每味餸大家都會問:難唔難整架?
師姐話:好易架乍喎...
拿你首先將開邊龍蝦面塗上以海胆,芝士同牛油混成的醬, 再焗至表面金黃, 另外以龍蝦球,芝士,牛奶與闊條麵同炒, 上碟時,放上海胆同蟹子做裝飾, 另闊條麵也放了松露油, 添一點香味...
淨係聽都咁複雜,問黎都係多餘...
不過師姐又錯唔晒,其實好簡單---
係去師姐度食好過啦(如果佢肯煮比你食的話)..
最後一擊甜品,就係Panna Cotta!
用上了真真正正的香草豆蔻，要自己把豆蔻刮出來,帶有濃濃的 Vanilla 香，再做了一個以草莓及楓葉糖漿來煮的汁.
我對VANILLA的認知,只限於牛奶公司雪糕中間個個白色,今次第一次嚐到真正的Vanilla,淡淡的,卻又細長.我不捨得將之與漿汁同食,怕盖了它的清香...
吃著談著,已是零晨1點了!
(HELLO KITTY鐘!)
隨BLOG附送師姐艷照一張.
在此多謝師姐勞心勞力,師姐萬歲!
